Can't get to a voting place?

Ka āhei koe ki te whakamana i tētehi tangata ki te tiki atu i āu puka pōti i tētehi wāhi pōti.

Kei raro i tēnei whārangi he puka hei tikiake māu.  Ka āhei koe ki te waitohu i tērā puka, me te tono ki tētehi tangata kia kawea te puka ki tētehi wāhi pōti.  Mā taua tangata ō puka pōti e kawe ki a koe hei whakakī māu.

Me whakahoki atu ō puka pōti ki tētehi wāhi pōti i mua i te 7 karaka i te pō hei te 25 o Noema.

Mehemea tē taea e koe te tatū atu ki te wāhi pōti, ā, kāhore he tāngata hei tiki atu i ō puka pōti, toro atu ki tō kaiwhakahaere ā-rohe pōti.

Ka taea peangē e mātau ngā puka te tuku atu ki a koe, te tiki atu hoki i a koe.

portwaikato@vote.nz

09 294 6466

KKa āhei koe ki te pōti i tāwāhi mō te pōtitanga pāerotanga o Te Pūwaha o Waikato ā te Wenerei te 8 o Noema ki te Hātarei te 25 o Noema i te 7 karaka i te pō (hei tā ngā karaka o Aotearoa)

Ko te ara māmā katoa ki te pōti mai i tāwāhi he tikiake i ō puka pōti, ka whakakīia ai, me te tukuatu. Ka āhei koe ki te tikiake i ō puka pōti ā te Wenerei te 8 o Noema.

Ka āhei peangē rānei koe ki te pōti ā-tinana i tētehi wāhi pōti o tāwāhi.

Te pōti mai i tāwāhi

Mehemea hei tētehi wāhi tawhiti koe ā te wā o te Pōtitanga Pāerotanga o Te Pūaha o Waikato – hei tauira, ka noho koe ki tētehi motu tawhiti e tiakina ana e Te Papa Atawhai, ka noho koe ki tētehi poka hinu ki tai, ka mahi rānei koe ki runga i tētehi kaipuke – ka āhei peangē koe ki te pōti mā ā mātau ratonga pōti mai i tawhiti.

remote@vote.nz

Mehemea kei tētehi whare tiaki koe e noho ana, ehara i te mea me toro mai koe ki a mātau. Ka toro atu te Kaiwhakahaere ā-Rohe Pōti o te rohe e noho nā koe ki te kaiwhakahaere o tō whare tiaki kia whakaritea ai he ratonga pōti.

Mehemea tē taea e koe te haere ki te wāhi pōti nā tō noho hōhipera, ka āhei tētehi hoa, tētehi whanaunga rānei ki te kawe i ō puka pōti ki a koe.

Mehemea kua whakaritea kētia i mua i te rā pōti tō noho hōhipera ā taua rā, ko te painga atu me pōti tōmua koe, mehemea ka taea, ā te 13 o Noema.

Mehemea ko te hiahia koe ki ētehi whakamāramatanga nō, waea mai ki 0800 36 76 56.

Mehemea he kāpō koe, he uaua rānei ki a koe te kite, he tūāhuatanga ā-tinana rānei e kore ai e taea e koe ō puka pōti te whakakī takitahi, ka āhei koe ki te pōti mā te ratonga pōti ā-waea.

E āhei ai koe ki te rēhita me te whakamahi i tēnei ratonga i te pōtitanga pāerotanga o Te pūwaha o Waikato, ahakoa kua whakamahia kētia peangē e koe i roto i ngā pōtitanga o mua.

Te ratonga pōti ā-waea

E ai ki te ture, ka whakawāteatia koe i tō mahi ki te haere ki te pōti ā te rā pōti. Ka āhei rānei koe ki te pōti tōmua i tētehi wāhi pōti, ā te Mane te 13 o Noema.

Mehemea kāhore anō koe kia āta wātea ki te pōti i mua i tō tīmata i tō mahi i te rā pōti, ā, kāhore tō mahi i te waiwai, me tuku tō whare mahi kia wehe koe i mua i te 3 karaka i te ahiahi ki te pōti. E ai ki te ture, ka whakawāteatia koe i tō mahi mō te paunga o te rā, mehemea me pērā e taea ai e koe te pōti.

Kāhore e āhei tō whare mahi ki te tango i ō utu mō te wā i wehe ai koe ki te pōti.

Mehemea he waiwai tō mahi

Mehemea me tino whakaea koe i tētehi mahi waiwai ā muri i te 3 karaka i te ahiahi, me tuku tō whare mahi kia wehe koe ā tētehi wā nō o te rā pōti, mō tētehi wā e tika ana te roa.

Kāhore e āhei tō whare mahi ki te tango i ō utu mō te wā e wehe ai koe ki te pōti, mehemea he poto iho i te rua hāora.

Mehemea he kaimahi koe i runga kaipuke

Mehemea ka mahi koe ki runga i tētehi kaipuke kua ū ki te taunga waka, ā, kua rēhita koe ki te pōti i te rohe pōti e ū nā te waka, me tuku te kaiwhakahaere o te kaipuke kia haere koe ki uta ki te pōti.

Mehemea ka mahi koe ki runga i tētehi kaipuke e kore nei e ū ki te taunga waka, e kore rānei e hoki atu ki te taunga waka i roto i te wā pōti, toro mai ki a mātau ina tata te wā o te pōtitanga, ki te tono āwhina ki te rēhita, ki te pōti hoki.

Toro mai

Mehemea hei roto koe i te whare herehere, ahakoa e whanga tonu ana pea koe kia whakawāngia, kia hāmenetia rānei, ka mahi ngātahi mātau ki Ara Poutama Aotearoa kia whai wāhi ai koe ki ngā ratonga pōti.

Mehemea hei te whare herehere koe

Ka āhei koe ki te pōti mehemea he poto iho i te 3 tau tō whiu.

Mehemea hei te whare herehere koe e tatari ana kia whakawāngia, kia hāmenetia rānei

Ka āhei koe ki te pōti mehemea kāhore anō kia whakawāngia, kia hāmenetia rānei koe. Ka tuku atu mātau i ngā ratonga pōti ki a koe.

Ka āhei koe ki te pōti mehemea kua herea ā-ture koe ki tō kāinga noho, kua hāmenetia rānei ki tētehi mahi hapori. Ka tukua atu e ngā kaimahi pōtitanga ki ngā kaimahi poropeihana he pārongo mō ngā ara pōti e wātea ana ki a koe.

Mehemea kei te whare pirihimana koe e herea ana i te rā pōti, ka tatū atu peangē tētehi rōpū kaimahi pōtitanga ki te whare i mua i te rānui, kia taea ai e koe te pōti.

English (PDF, 9.5MB)

Arabic (PDF, 521KB)

Burmese (PDF, 526KB)

Chinese Simplified (PDF, 553KB)

Chinese Traditional (PDF, 556KB)

Cook Islands Māori (PDF, 8.9MB)

Farsi (PDF, 520KB)

Fijian (PDF, 8.9MB)

French (PDF, 502KB)

Gujarati (PDF, 545KB)

Hindi (PDF, 552KB)

Japanese (PDF, 553KB)

Khmer (PDF, 528KB)

Korean (PDF, 531KB)

Malay (PDF, 500KB)

Niuean (PDF, 500KB)

Punjabi (PDF, 546KB)

Russian (PDF, 531KB)

Samoan (PDF, 501KB)

Somali (PDF, 501KB)

Spanish (PDF, 502KB)

Tagalog (PDF, 500KB)

Tamil (PDF, 544KB)

Thai (PDF, 525KB)

Tokelauan (PDF, 499KB)

Tongan (PDF, 501KB)

Vietnamese (PDF, 541KB)