Are you eligible to enrol and vote?

Mehemea 17 ō tau, ka āhei tō whakakī i te puka rēhita ināianei.

Hei tō huritanga tau 18, ka aunoa te rēhitatia ōu, ā, ka rite koe ki te pōti.

He māmā noa iho. 

Rēhita ināianei

He kainoho koe mō ngā take pōti mēnā e whakaaetia ana e te ture tō noho ki Aotearoa, ā, kāore koe e herea kia wehe atu i roto i tētahi wā kua āta tohua atu.

E āhei ana tō rēhita hei kaipōti mehemea kua 18 ō tau, pakeke ake rānei, he kirirarau koe nō Aotearoa, he kainoho mō ngā take pōti rānei, ā, he wā tōna i 12 marama, roa ake rānei tō noho tūmau i Aotearoa.

E kapi ana i te kainoho mō ngā take pōti ko te kaipupuri i tētahi kōkota kainoho, i tētahi momo kōkota kē rānei e mana tonu ana, mēnā:

• kei Aotearoa e noho ana,
• kāore tō kōkota e here ana i a koe kia wehe atu i Aotearoa i roto i tētahi wā kua āta tohua,
• he wā tōna i 12 marama, roa ake rānei tō noho tūmau i Aotearoa
• he whakaaetia ana e te ture tō noho mai i Aotearoa
• kāore e whai pānga ki a koe ko ngā wāhanga 15, 16 rānei o te Immigration Act, hei tauira, kua mau tangetange koe mō ētehi tū taihara whāiti, kua panaia atu rānei koe i Aotearoa, i whenua kē atu rānei.

Mehemea he Kōkota Kainoho 2021 tōu, ā, e tutuki ana i a koe ngā paearu i runga nei, e āhei ana koe ki te rēhita, ki te pōti hoki i Aotearoa.

Mehemea he kōkota mahi, he kōkota ako rānei tāu e here ana i a koe kia wehe i Aotearoa i mua i tētahi rā kua āta tohua, kāore e āhei tō rēhita, tō pōti rānei.

Rēhita ināianei

Ka āhei tō rēhita mēnā kua 12 marama, neke atu rānei tō roa e noho tūmau ana ki Aotearoa nei.

Rēhita ināianei

Ka āhei tō rēhita mēnā kua 12 marama, neke atu rānei tō roa e noho tūmau ana ki Aotearoa nei.

Rēhita ināianei

Ka āhei koe ki te rēhita, ki te pōti hoki mai i tāwāhi mehemea e tika ana ēnei kōrero katoa mōu:

• 18 ō tau, pakeke ake rānei
• he wā tōna i 12 marama, roa ake rānei tō noho tūmau i Aotearoa
• e hāngai ana tētahi o ēnei kōrero ki a koe:
• he kirirarau nō Aotearoa, ā, kua tae ā-tinana mai ki Aotearoa i roto i te 3 tau kua hori,
• he kainoho mō ngā take pōti rānei, ā, kua tae ā-tinana mai ki Aotearoa i roto i te 12 marama kua hori.

He kainoho koe mō ngā take pōti mēnā e whakaaetia ana e te ture tō noho ki Aotearoa, ā, kāore koe e herea kia wehe atu i roto i tētahi wā kua āta tohua atu

Mēnā e rēhita mai ana koe i tāwāhi, ko tō rohe pōti, ko tērā o tō wāhi noho whakamutunga i Aotearoa i 1 marama, roa ake rānei koe i reira e noho ana.

Ehara i te mea ka herea koe e te ture ki te rēhita mai i tāwāhi — kei a koe te tikanga ina rēhita, kāore rānei.

Rēhita mai i tāwāhi

Mēnā koe nō tētahi o ngā rōpū e whai ake nei, e āhei ana tō rēhita, tō pōti hoki, ahakoa tō roa i whenua kē atu i Aotearoa:

• ko ngā kaimahi kāwanatanga e mahi ana i tāwāhi, tae atu ki ō rātou whānau
• ko ngā takawaenga kāwanatanga me ngā māngai tauhokohoko o Aotearoa, tae atu ki ō rātou whānau
• ko ērā nō Te Ope Kātua o Aotearoa, tae atu ki ō rātou whānau. 

Rēhita ināianei

Mehemea kei te mauheretia ā-tatari, ā-kāinga rānei koe, kei te whakatutuki haere rānei koe i tētehi whiunga ā-hapori, ā, e tutuki ana i a koe ngā paearu i runga i tēnei whārangi, ka āhei tō rēhita ki te pōti.

Rēhita ināianei

E āhei ana tō rēhita me tō pōti mēnā he poto iho i te 3 tau te roa o te noho herehere, ā, nō mua i te 20 o Tīhema i te tau 2025 ngā hara katoa i mau tangetange ai koe.

Kāore e āhei ana tō rēhita me tō pōti mēnā:

• he poto iho i te 3 tau te roa o te noho herehere, ā, nō te 20 o Tīhema i te tau 2025, nō muri mai rānei t/ētahi o ngā hara i mau tangetange ai koe.
• he roa ake i te 3 tau te noho herehere e whakatutuki haere nei koe

Mēnā e kāingakore ana tō noho, ka āhei tō rēhita ki te wāhitau kei reira rā koe mō tētahi wā nui.

Ka āhei hoki tō rēhita ki te wāhitau whakamutunga i 1 marama, roa ake tō noho i reira, ahakoa kua aua atu pea te wā.

Ka rēhita ana koe ki te pōti, me whakamōhio mai e koe tētehi wāhitau poutāpeta ki reira rā tonoa atu ai ō mēra pōti, hei tauira, ko ngā whakaūnga o tō rēhitatanga.

He Pouaka Poutāpeta (PO Box) pea taua wāhitau poutāpeta, ko te wāhitau rānei o tētehi hoa, o tētehi whanaunga, o tētehi whare karakia, o tētehi rōpū tautoko rānei, heoi anō, me mātua whakaae e ia kia tiaki i ō mēra hei tiki atu māu.

Rēhita ināianei

Kāhore koe e āhei ana ki te pōti, ki te rēhita hoki mehemea e tika ana tētehi o ēnei tauākī e whai ake:

• he kirirarau koe nō Aotearoa, kāore i tae ā-tinana mai ki Aotearoa i roto i te 3 tau kua pahure
• he kainoho koe mō ngā take pōti, kāore i tae ā-tinana mai ki Aotearoa i roto i te 12 marama kua pahure
• kua herea koe kia wehe i Aotearoa i mua i tētahi rā kua āta tohua, pērā i te rā ka tohua i runga i tētahi puka whakaaetanga ā-ākonga, ā-mahi, ā-manuhiri rānei
• E mauheretia ana koe ki te whare herehere, ā, he 3 tau, roa ake rānei te roa o te noho herehere.
• E mauheretia ana koe ki te whare herehere mō tētahi wā poto iho i te 3 tau, ā, nō te 20 o Tīhema i te tau 2025, nō muri mai rānei, ko t/ētahi o ngā hara i mau tangetange ai koe 
• kei roto koe i tētehi hōhipera mātai mate hinengaro, ā, kua roa ake i te toru tau koe i reira i muri i te whakapaetia ōu ki tētehi taihara takahi ture
• kua whiua koe mō tētehi mahi kaiā, ā, kua tāpirihia tō ingoa ki te Corrupt Practices List

Mehemea kāhore koe i te tino mōhio ki te āhua o tō āheitanga, waea mai ki 0800 36 76 56.

Whakapā mai ki tō mātou rōpū rēhita

Tirohia ngā ture mō te āheitanga ki te rēhita