Ready to vote? Enrol or update now

About the 2020 General Election

The content on this page can be viewed in the following languages

Ka tū te Pōtitanga Whānui 2020 hei te Rāhoroi, 19 o Mahuru, waihoki ko ngā tāpaetanga pōti cannabis, me te End of Life Choice.

Me rēhita koe kia āhei ai koe ki te pōti i te pōtitanga whānui me ngā tāpaetanga pōti.

Kia rēhita ai me te pōti, me 18 ō tau, neke atu rānei, ā, me kirirarau koe nō Aotearoa, me kainoho tūturu rānei me te noho pūmau ki Aotearoa mō te 12 marama, neke atu rānei.

Me rēhita, me whakahou tuihono rānei i ō taipitopito ināianei

Te KOWHEORI-19 me te Pōtitanga Whānui 2020

He mea waiwai kia noho haumaru ngā tāngata katoa i a rātau e pōti ana. He whakaritenga ā mātau hei whakarite ki te tiaki i a koutou ko tō whānau.

Ka tōmua ake te tuwhera o te pōti mā te rua rā, ā, he nui ake ngā wāhi pōti hei whakaiti i ngā rārangi. E whakatenatena ana mātau i a koe kia pōti i tō rohe, ā, me heri e koe tāu ake pene mēnā ka taea. Ka whakaratoa e mātau te hinu horoi ringa i ngā wāhi pōti, ā, he whānui tonu mō te noho tawhiti. Mēnā me noho koe ki te kāinga, kei reira ētahi atu tikanga pōti māu tae atu ki te pōti mā te mēra.

Whiwhi mōhio he pēhea tā mātau whakarite kei te haumaru ki te pōti

Ka tīmata te pōtitanga hei te 5 o Mahuru

Mēnā kei Aotearoa koe, ka āhei koe ki te pōti atu i te Rāhoroi 5 o Mahuru ki te 7pm i te rā pōti, te Hātarei 19 o Hepetema. Ka taea e koe te pōti i tāwāhi atu i te Wenerei, 2 o Hepetema.

Te pōti i te pōtitanga

Hei te Pōtitanga Whānui 2020, ka taea e koe te pōti mā ngā rōpū tōrangapū, me ngā kaitono e hiahiatia e koe kia noho hei māngai mōu ki te Pāremata.

Ako atu anō mō te mahi pōti

Rapua tētahi wāhi pōti

Ka tuwhera ngā wāhi pōti huri noa i a Aotearoa, nā reira ka āhei ia tangata te pōti.

Kimihia he wāhi pōti i runga i te mapi

Kimihia he wāhi pōti mai i tētahi rārangi

Ka taea hoki e koe te pōti ki ngā tāpaetanga pōti e rua

Hei te pōtitanga whānui i te tau nei, ka taea e koe te pōti ki ngā tāpaetanga pōti e rua. Ki tōu wāhi pōti, ka hoatu ki a koe tētahi pepa pōti mō ngā tāpaetanga pōti me tō pepa pōti mō te pōtitanga whānui.

Ka taea e koe te pōti mō te whaimana o te whakamahinga pārekareka o te cannabis. Ka taea hoki e koe te pōti mēnā rānei e whakamanahia te End of Life Choice Act 2019, e hoatu ai ki ērā tāngata whai mate tuamatangi te kōwhiringa kia tono āwhina ki te whakamate.

Whiwhi kōrero atu anō mō ngā tāpaetanga pōti, toroa www.referendums.govt.nz

Whiwhi kōrero atu anō mō te pōti ki ngā tāpaetanga pōti

Ka tukuna ngā otinga pōtitanga tōmua i te rā pōti

Ka tukuna ngā otinga pōtitanga tōmua atu i te 7pm i te 19 o Mahuru i www.electionresults.govt.nz. Ka kaute mātau i ngā pōti tāpaetanga pōti ā muri i te rā pōtitanga whānui, kātahi ka whakapuaki i ngā hua tāpaetanga pōti hukihuki hei te Paraire, 2 o Oketopa.

Ka tukuna e mātau ngā otinga whaimana mō te pōtitanga whānui me ngā tāpaetanga pōti hei te Paraire 9 o Whiringa-ā-nuku.