General Election 2020 Results

Need help to vote?

The content on this page can be viewed in the following languages

Ka āwhinatia koe ki te pōti mēnā e hiahia ana koe. Ko ngā kōwhiringa e āhei ana ko te pōti me tētahi kaitautoko, ko te ratonga tuku kōrero ā-waea rānei.

Tēnā koa whakapā mai mēnā e hiahia ana koe ki te kōrero mō ō kōwhiringa:

Waea kore utu 0800 36 76 56

Me mātua rēhita koe i te tuatahi, ā, kei te tika ō taipitopito:

Me rēhita ā-ipurangi nei, tirohia, ka whakatika i ō taipitopito

Te pōti me ngā āwhina a tētahi kaitautoko

Mēnā e uaua ana ki a koe te pānui, te māka rānei i ō pepa pōti, ka taea e tētahi hoa, e tētahi whanaunga, e tētahi āpiha pōti rānei te tautoko i a koe.Ka āhei tō kaitautoko ki te:

  • Whai i a koe ki tua o te pātū pōti
  • Pānui i ngā kupu me ngā mōhiohio kei ō pepa pōti
  • Māka i ngā pepa pōti mōu mēnā ka tono koe

Kāore e āhei tō kaitautoko te tohutohu ki a koe ki hea tukuna ai tō pōti i tēnei pōtitanga whānui, me pēhea rānei tō pōti i roto i ngā tāpaetanga pōti.

Te pōti mā te ratonga tuku kōrero ā-waea

Me he kāpō, me he āhua kāpō, e kore rānei koe e tareka te māka i āu pepa pōti i te ruhā o tō tinana, ka taea e koe te whakamahi i te ratonga tuku kōrero ā-waea.

Me rēhita koe ki te whakamahi i tēnei ratonga hei te Pōtitanga Whānui 2020 me ngā tāpaetanga pōti hoki, ahakoa kua whakamahia e koe i ngā pōtitanga o mua.

Mō te whānuitanga ake o ngā kōrero mō te pōtitanga tuku kōrero ā-waea

Te pōti ina kāore e oti i a koe te tae atu ki tētahi wāhi pōti

Arā noa atu ētahi ratonga pōti mō te hunga kāore e tae atu ki ngā wāhi pōti kua whakaritea, hei tauira, nā te māuiuitanga, nā te kaumātuatanga, nā te ruhā hoki o te tinana.

Kōwhiringia te huarahi tika ki te kore koe e tae atu ki tētahi wāhi pōti

Ngā kaipōti he mate wareware

Ka taea tonu te hunga he mate wareware, tētahi atu waimaero hinengaro rānei, te pōti tonu mēnā e hiahia ana rātau.

He Aratohu Māmā ki te Pōti tā mātau mā te hunga he uaua ki a rātau te pānui me te mārama ki ngā mōhiohio ā-tuhi.