2020 General Election Results

About the referendums

The content on this page can be viewed in the following languages

I tēnei Pōtitanga Whānui e rua ngā pātai ka tukuna ki a koe. Ko tētahi mēnā me whakamana te End of Life Choice Act 2019 ko tētahi atu mēnā me whakamana te whakamahinga pārekareka o te cannabis.

Te tāpaetanga pōti End of Life Choice

I tēnei tāpaetanga pōti, ka taea e koe te pōti mēnā rānei ka whakamanahia te End of Life Choice Act 2019. Ka hoatu te mana kōwhiringa ki ngā tāngata mate tuamatangi ki tono āwhina ki te whakamate.

Ko te pātai tāpaetanga pōti ko:

Do you support the End of Life Choice Act 2019 coming into force?

You can choose 1 of these 2 answers:

  • Yes, I support the End of Life Choice Act 2019 coming into force.
  • No, I do not support the End of Life Choice Act 2019 coming into force.

Ako atu anō mō te tāpaetanga pōti End of Life Choice

Te tāpaetanga pōti Cannabis legalisation and control

I tēnei pōti tāpaetanga pōti, ka taea e koe te pōti mēnā rānei ka whakamanahia te whakamahinga pārekareka a te tarutaru.

Ko te pātai tāpaetanga pōti ko:

Do you support the proposed Cannabis Legalisation and Control Bill?

You can choose 1 of these 2 answers:

  • Yes, I support the proposed Cannabis Legalisation and Control Bill
  • No, I do not support the proposed Cannabis Legalisation and Control Bill

Ako atu anō mō te tāpaetanga pōti whakamana me te whakahaere i te tarutaru

Ka hoatu ki a koe tētahi pepa pōti tāpaetanga pōti ki tōu wāhi pōti

Ki tōu wāhi pōti, ka hoatu ki a koe tētahi pepa pōti mō ngā tāpaetanga pōti me tō pepa pōti mō te pōtitanga whānui.

Ako atu anō me pēhea, ki hea hoki koe e pōti ai

Pōtihia mā te tuhi i te tohu tika ki ngā pātai tāpaetanga pōti

Ka pōti koe mā te tuhi i te tohu tika ki te taha o tāu whakautu ki ia pātai tāpaetanga pōti i tō pepa pōti. Ka taea e koe te whakautu ki te 'Yes' (Āe) te 'No' (Kāo) rānei.

He mea kōwhiringa te pōti ki ngā tāpaetanga pōti

Me pōti ki ngā tāpaetanga pōti ina he hiahia nōu, engari he whai wāhitanga tēnei mōu ki te whakaputa i ōu whakaaro e pā ana ki ngā take hirahira e rua. Ka taea hoki e koe te kōwhiri ki te pōti ki te tāpaetanga pōti anake ki te hiahia koe.

Ka riro i a ngā kaipōti kua rēhita ngā mātārere e pā ana ki ngā tāpaetanga pōti

Ka raua atu ngā mātārere mō ngā tāpaetanga pōti ki te taha o ngā mōkī Whakahōu Rēhitatanga me te EasyVote, e tukuna ai ki ngā kaipōti kua rēhita hei te tīmatanga o Hōngongoi, me te mutunga o Hereturikōkā.

Kua wātea mai he mōhiohio anō

Ko te paetukutuku tūturu mō ngā mōhiohiotanga e pā ana ki ngā tāpaetanga pōti ko referendums.govt.nz. E oti i te paetukutuku nei te mea atu ki a koe ngā take e marohitia ana mō ia tāpaetanga pōti, kia āta mōhio ai koe ki tāu e pōti ai.

Ka taea hoki e koe te tono kia mērāhia atu ngā mōhiohio tāpaetanga pōti ki a koe mā te waea atu ki 0800 36 76 56.

Ako atu anō mō ngā tāpaetanga pōti ki www.referendums.govt.nz

Ka whakapuakina ngā hua tūturu mō ngā tāpaetanga pōti hei te 9 o Whiringa-ā-nuku

Ka kaute mātau i ngā pōti tāpaetanga pōti ā muri i te rā pōtitanga whānui, kātahi ka whakapuaki i ngā hua tāpaetanga pōti hukihuki hei te Paraire, 2 o Whiringa-ā-nuku. Ka whakapuakina ngā hua tūturu mō ngā tāpaetanga pōti hei te Paraire, 9 o Whiringa-ā-nuku, me ngā hua pōtitanga tūturu.