The content on this page can be viewed in the following languages
- English
- Māori (active language)
He tirohanga whānui
Hei te pōtitanga, ka whai wāhi koe ki te pōti i ngā rōpū tōrangapū me ngā kaitono e hiahia nā koe hei māngai mōu i roto Pāremata.
Ka āhei tātau ki te pōti ā te Mane te 2 o Oketopa, ā, ka āhei koe ki te pōti i ngā wāhi pōti puta noa i Aotearoa; kei a koe te kōwhiringa.
Hei te rā pōti, hei te Hātarei te 14 o Oketopa, ka tuwhera ngā wāhi pōti ā te 9 karaka i te ata tatū atu ki te 7 karaka i te pō.
Me rēhita mai ki te pōti
Me mātua rēhita mai koe e āhei ai koe ki te pōti i te pōtitanga.
E āhei ai koe ki te rēhita, ki te pōti hoki, me pēnei koe:
- kua 18 tau tō pāhake, kua pāhake ake rānei koe
- he kirirarau koe nō Aotearoa, he kainoho pūmau rānei koe nō Aotearoa
- kua noho koe ki Aotearoa mō tētehi wā roa ake i te 12 marama karapipiti, i roto i ngā tau.
Ina rēhita koe ki te pōti, he kainoho pūmau koe mehemea he mana ā-ture tōu ki te noho ki Aotearoa, ā, ehara i te mea kua kīia ā-ture me wehe koe i roto i tētehi wā tauwhāiti. Ka korowai tonutia koe e tēnei tikanga mehemea he pane uruwhenua kainoho tāu.
Mehemea kua rēhita koe i mua i te Rātapu te 10 o Hepetema, ka tukua e mātau he pārongo mō te pōtitanga i te mēra. Hei reira tāu kāri Pōti Tere e māmā ake ai te pōti.
Me pēwhea te pōti
He whakamāramatanga nō mō ngā tūāhuatanga o te wāhi pōti me te tuku i tō pōti.
Ko ngā tūāhuatanga o te wāhi pōti
Te whakatairanga me te whai pōti
He whakamāramatanga mō ngā ture o te wā whai pōti, tatū atu ki ngā herenga e pā ana ki ngā pae pāpāho pāpori, me ngā ture mō ngā rōpū tōrangapū me ngā kaitono.
Te whakatairanga me te whai pōti
Ko ngā tatauranga pōti
Ā te Tūrei te 3 o Oketopa, ka tīmata tā mātou whakaputa, i ia rā mahi o te wiki, i ngā tatauranga mō te tokomaha tāngata kua pōti. Ka whakatairitea hoki ki ngā pōtitanga o mua.
Tātatai MMP
Ka āhei koe ki te whakamahi i tā mātau tātaitai tuku nohoanga MMP ki te tātai i te maha o ngā nohoanga ka tukua ki ia rōpū tōrangapū e ai ki ētehi putanga rerekē o te pōtitanga.